अर्घाखाँची महोत्सव २०८१: राष्ट्रिय कलाकार र स्थानीय पहिचानको संगम

अर्घाखाँची महोत्सव २०८१ ले जिल्लाको आर्थिक, सांस्कृतिक, र पर्यटकीय प्रवर्द्धनमा ऐतिहासिक पाइला चालेको छ। महोत्सवको मुख्य आकर्षणको रूपमा चर्चित अभिनेता पल शाहको शानदार इन्ट्रीले हजारौं दर्शकलाई मन्त्रमुग्ध बनाएको छ। महोत्सवमा विभिन्न राष्ट्रिय कलाकारहरूको मनोरञ्जनात्मक प्रस्तुति, स्थानीय कलाकारहरूको सांस्कृतिक नृत्य, परम्परागत संगीत, र हस्तकला प्रदर्शनले जिल्लाको मौलिक पहिचानलाई उजागर गरेको छ।

महोत्सवले स्थानीय उत्पादन, कृषि सामग्री, र व्यवसाय प्रवर्द्धन गर्दै जिल्लाको व्यावसायिक सम्भावनालाई राष्ट्रिय र अन्तर्राष्ट्रिय बजारसम्म पुर्‍याउने लक्ष्य लिएको छ। महोत्सवमा आयोजित व्यापार मेला, कृषि प्रर्दशनी, र हस्तकला स्टलहरूले स्थानीय उद्यमशीलतालाई नयाँ उचाइमा पुर्‍याएको छ।

सुपा देउराली मन्दिर र अन्य पर्यटकीय स्थलहरूको प्रवर्द्धनसँगै महोत्सवले अर्घाखाँचीलाई पर्यटकीय गन्तव्यको रूपमा स्थापित गर्न महत्वपूर्ण भूमिका खेलेको छ। साथै, यो महोत्सवले अर्घाखाँचीको सांस्कृतिक धरोहरलाई संरक्षण गर्दै नयाँ पुस्तालाई प्रेरणा प्रदान गरेको छ।

“अर्घाखाँची महोत्सव २०८१” जिल्लाको समृद्धि र पहिचानको प्रतिनिधित्व गर्ने अद्वितीय उत्सव बन्न सफल भएको छ।